Congo  yuririye ku jambo  rya Perezida Kagame  yongera gukora  mu jisho ry’u Rwanda

Nyuma y’uko Perezida Kagame asabye  Leta ya  Congo  kugaragaza ubushake bwo gucura impunzi  z’Abanye-Congo u Rwanda rucumbikiye nk’uko  biherutse gukorwa n’u Burundi , Leta ya Kinshasa yahise izamura  ingigo y’impunzi  z’abanyarwanda  ivuga ko icumbikiye , irushinja  kuzita  zose FDLR, umutwe ishimangira ko  udafite icyo utwaye  inawusabira ibiganiro.

kiganiro n’abanyamakuru ejo ku wa Gatatu tariki 11 Mutarama 2023 , Minisitiri w’Amashuri makuru na za Kaminuza muri RDC, Muhindo Nzangi Butondo ubwo yakomozaga  ku ijambo  Perezida Kagame aherutse kuvugira mu Nteko Ishinga Amategeko,  yavuze ko u Rwanda rudakwiye kuvuga  ku mpunzi mu gihe rwanze kuganira n’abo yise Abavandimwe  barwo FDLR  bikaba ariyo ntandaro y’ibibazo bikomeje  kuyogoza Uburasizuba bwa Congo.

Yakomeje avuga ko Perezida Kagame  nta bubasha na bumwe afite bwo kuvuga kuri icyo kibazo cy’impunzi kuko na we yanze kuganira n’abavandimwe be ba FDLR bari muri Repubulika Iharanira Demokarasi ya Congo kuva kera.

Ati’’Iyo aba yaremeye gutangiza ibiganiro nabo, nta bibazo twari kuba tucyumva mu Burasirazuba bwa RDC.”

Umuvugizi wa Leta ya Congo, Patrick Muyaya  nawe agaruka ku  jambo rya  Perezida  Kagame , yavuze ko iki gihugu   gicumbikiye impunzi nyinshi z’Abanyarwanda kurusha iz’Abanyecongo u Rwanda rucumbikiye, agasaba u Rwanda kutivanaho inshingano zarwo .

Muyaya yabwiye BBC ko impunzi z’Abanyarwanda muri Congo  kandi Perezida  Kagame abona bose barabaye FDLR ariko akavuga ko DR Congo itakora ibintu nk’ibyo akora .

Mu ijambo rye ,Perezida Kagame aherutse  kugaragaza   ko   impunzi z’Abatutsi bo muri DR Congo bahunze cyera n’abahunga muri iyi minsi, izo mpunzi ziri mu mpamvu umutwe wa M23 utanga zo gufata intwaro. Kinshasa igashinja Kigali gufasha M23, ibyo Kigali ihakana nk’uko byakunzwe gushimangirwa na Raporo  n’imbwirwaruhame z’ababozi b’inzego zitandukanye.

Gutagatifuza FDLR ni umwera w’I Bukuru

Si ubwa mbere  abayobozi ba Congo  bagaragaje  ko Umutwe w’Iterabwoba wa FDLR  ugizwe  na bambwe mu bagize  uruhare muri Jenoside  yakorewe Abatutsi mu Rwanda ndetse ukaba ukigendera kuri  iyi Ngengabitekerezo  nk’uko byakunzwe kugaragara mu bikorwa by’umubunyamaswa ukora.

Nubwo abayobozi kandi bagaragaza  FDLR nk’umutwe udateye ikibazo  ndetse bikaba birerutse gushimangirwa na Perezida  Felix Tshisekedi, uyu mutwe  uherutse kwivugira ko  uhari kandi  abarwanyi  bawo bahagaze bwumva kandi ko witeguye  gukuraho ubutegetsi burimo mu Rwanda ivugwa ko  ari ubw’Abatutsi yanga urunuka.

Raporo zitandukanye zagiye zigaragaza  imikoranire   hagati y’Ingabo za Congo n’uyu mutwe wa FDLR mu rugamba  rwo kurwanya M23  yitwa Abatutsi  nk’uko biherutse gushimangirwa na barwanyi bayo bafashwe mpiri  na M23 .

Inama y’abakuru b’ibihugu by’akarere yateraniye i Luanda mu Ugushyingo 2022, hejuru yo guha amasaha 48 umutwe wa M23 ngo ube wavuye mu duce umaze gufata, abakuru b’ibihugu bategetse ko imitwe ya “FDLR-FOCA, RED Tabara, ADF n’indi mitwe yitwaje intwaro ikorera ku butaka bwa Congo igomba guhita ishyira intwaro hasi, igakurikiza gahunda yo gusubizwa mu bihugu ikomokamo.”

Nyuma y’iyi myanzuro  nta cyakozwe ahubwo Ingabo za Leta ya Congo  zakomeje  kunga ubumwe  na FDLR  n’indi mitwe  itajya imbizi n’Abatutsi mu  kugaba ibitero ku mutwe wa M23 , wo wagaragaje  ubushake bwo gukemura ikibazo  mu nzira  z’amahoro wubahiriza ibyo wasabwe.