Kuri iki Cyumweru tariki ya 31/03/2024, hiriwe agahenge ku murongo w’urugamba, mu Ntara ya Kivu y’Amajyaruguru, hagati y’ umutwe w’inyeshyamba za M23 zirwanya leta ya Congo n’ihuriro ry’Ingabo zirwana ku ruhande rwa Guverinoma ya Repubulika ya demokarasi ya Congo.
Amakuru aturuka muri ibyo bice avuga ko imodoka zirimo abasirikare benshi zagaragaye ku mugoroba wo k’uwa Gatandatu tariki ya 30/03/2024 i Kitchanga ho muri teritware ya Masisi. Izindi modoka zabonetse zirimo udusanduku twa masasu aho ndetse zaje gukomereza mu bice bya Mushaki ku muhanda wa Sake.
Ibi bice bikaba bigize igihe biberamo imirwano ahanini ku dusozi twa Ndumba, ahunamiye Centre ya Sake, muri Grupema ya Kamuronza, Teritware ya Masisi.
Ahandi hagaragaye itsinda ry’abarwanyi benshi ba M23 ni muri Shasha, ha herereye mu ntera y’ibirometero nka 10 na Centre ya Sake na Shasha iri muri Grupema ya Mufunyi -Shanga.
Bikaba bihuririna n’ijambo riheruka gutangazwa na Corneille Nangaa mu kiganiro aheruka kugirana n’abaturage bi Kiwandja, muri teritware ya Rutsuru aho muri icyo kiganiro yavuze ko ingabo za M23 zigiye kwirukana vuba igisirikare cya Repubulika ya Demokarasi ya Congo, mu mijyi irimo Goma, Bukavu na Kinshasa, ndetse avuga n’indi mijyi ikomeye yo muri iki gihugu.
Rwandatribune.com
