Urwego rw’Ubutasi bwa Repubulika iharanira Demokarasi ya Congo ANR ku bufatanye na DGM ishinzwe abinjira n’abasohoka muri ki gihugu kuri iki cyumweru tariki ya 3 Ukwakira 2021 bataye muri yombi abarwanyi 5 ba ADF bafite inkomoko mu bihugu 3 byo mu karere ka Afurika y’iburasirazuba.
Muri aba barwanyi batanu ba ADF bafashwe , harimo Abarundi 2, Umunyatanzania 1 na 2 bakomoka muri Repubulika iharanira Demokarasi ya Congo.
Aime Mukamba Mbusa,Notable wa Rutshuru avuga ko aba barwanyi ba ADF bafatiwe mu bice bitandukanye mu burasirazuba bwa Repubulika iharanira Demokarasi ya Congo.
Abafashwe ni Mwaipaja Peter Ukupirika(Tanzania) ,Ndayishimiye François, Ininahazwe Masudi( Burundi), Ombeni Musafiri Héritier, Kayembe Kabeya Francois(DRC).
Ntiharatangazwa aho aba barwanyi bari berekeje, gusa amakuru aturuka mu Burasirazuba bwa Repubulika iharanira Demokarasi ya Congo avuga ko bari bavuye mu bice bitandukanye nka Goma, Bukavu n’ahandi bakaba bafatiwe muri Hoteli imwe yo mu gace ka Kiwanja.
