Umuryango uharanira uburenganzira bwa muntu (Humana Rights Watch) wasabye ko hakorwa iperereza ku bwicanyi bwakurikiye Kudeta yaburijwemo Tariki ya 19 Gucurasi 2024 mu Repubulika Iharanira Demukarasi ya Congo.
Ibiro Ntaramakuru by’Abafaransa AFP byatangaje ko HRW yasabye ko inzego za Leta ya Congo zigomba gukora iperereza ku bwicanyi no kwihanira byakorewe abagerageje guhira ubutegesti.
Icyo gihe abagabo bafite imbunda bateye urugo rw’umunyapolitike Vital Kamerhe ndetse n’urugo rwa Perezida Felix Tshisekedi mu murwa mukuru Kinshasa.
AFP ivuga ko abantu 40 batawe muri yombi abandi bane baricwa barimo n’uwari uyuboye icyo gitero,Umunyekongo ufite ubwenegihugu bw’Amerika Chrisitan Malanga.
Igisirikare cya DR Congo cyatangaje ko Christian Malanga yishwe arasiwe ku biro by’umukuru w’igihugu nyuma yo kwanga gufatwa n’inzego z’umutekano.
Marcel Malanga we ari mu bantu bagera kuri 50 bafashwe n’igisirikare, barimo abanyamerika batatu, n’umunyecongo umwe ufite ubwenegihugu bw’Ubwongereza, nk’uko umuvugizi w’igisirikare Brig Gen Sylavin Ekenge yabitangaje.
Amakuru avuga ko aba bafatiwe ku ruzi Congo i Kinshasa bakuyemo imyambaro ya gisirikare bari bambaye, bashaka kwambuka uruzi ngo basohoke muri DR Congo.
Amashusho atandukanye agaragaza Marcel Malanga hamwe n’umwe mu banyamerika hamwe n’abandi bafashwe n’abasirikare babakuye ahameze nko mu gishanga.
Umuryango Human Rights Watch utangaza ko uburyo Malanga yishwemo butumvikana, ukavuga ko amashusho yafashwe n’abasirikare ba Congo yerekana abavugwaho kugerageza guhiraka ubutegetsi barundanwa hafi y’ingoro y’umukuru w’iguhugu maze bakaraswa.
Aba barashwe barashinjwa kugerageza guhirika ubutegetsi bwa Perezida Felix Tshisekedi mu gitero bakoze mu rukerera rwo ku cyumweru tariki 19 Gicurasi uyu mwaka, igitero Christian Malanga yacishije ‘Live’ kuri ‘page’ ye ya Facebook ubwo bari bafashe ibiro bya Perezida wa DR Congo i Kinshasa.
Rwandatribune.com
