Umutwe w’inyeshyamba wa ADF wagabye igitero mu ntara ya Ituri, gihitana abantu 11, abandi barakomereka.
Aya makuru yemejwe na Adidas Mupitapilipo uyobora umudugudu muri ako gace. Aho yemeje ko bishoboka icyo gitero cyahitanye abantu 13, ariko imirambo 11 niyo imaze kuboneka.
Ayo makuru kandi yemejwe n’umukozi w’umuryango utabara imbabare CICR wavuze ko izo nyeshyamba zishe abasiviri 11.
Umuvugizi w’ingabo za Congo mu ntara ya Ituri yemeje ko ADF yagabye icyo gitero, ariko avuga ko ataramenya umubare w’abakiguyemo.
Uyu mutwe wa ADF ufite ibirindiro muri Congo, ugizwe n’abarwanyi barwanya ubutegetsi bwa Uganda. Mu minsi ishize wagabye igitero mu karere ka Kasese gihitana abanyeshuri hafi 40 mu burengerazuba bwa Uganda.
