Abarwanyi 82 b’umutwe wa Bakata-Katanga batawe muri yombi n’ingabo za Repubulika Iharanira Demokarasi ya Kongo (FARDC) mu ntara ya Haut-Katanga.
Aba barwanyi uko ari 82 beretswe itangazamakuru kuwa 22 Mata 2021 i Rubumbashi mu ntara ya Haut Katanga. Ni igikorwa cyari kiyobowe na Major Dieudonné Ngoy, ukuriye serivisi ishinzwe amakuru n’itumanaho muri zone ya 22 y’ingabo za Congo.
Major Ngoy yasobanuye ko aba barwanyi bafashwe bigabyemo amatsinda abiri, harimo iryari rigizwe n’abarwanyi 47 bafashwe ku ya 18 Mata 2021 bafatiwe mu rusengero na 35 bafatiwe mu karere ka Kamasaka muri komini ya Annex.
Majoro Dieudonné Ngoy yemeza ko iri tsinda rya kabiri ryashakaga gutera umujyi wa Lubumbashi mu ijoro ryo ku ya 21 kugeza ku ya 22 Mata.
Yagize ati”Ku bufatanye n’abaturage, inzego z’umutekano zafashe iri tsinda ry’abantu 47 bafatiwe mu rusengero rwaho muri komini ya Rwashi ubwo bari mu myitozo yo kugaba igitero ku mujyi wa Lubumbashi , ni itsinda ryari riyobowe na Baudouin Mwila.”
Uyu Baudouin aherutse kugirwa Umuyobozi mukuru w’ingabo zitwa Katangese n’umuyobozi wa Mai-Mai Gédéon Kyungu Mutanga.
Mu ijoro ryo ku ya 21 kugeza ku ya 22 Mata 2021, inzego z’umutekano zabonye amakuru ku rindi tsinda rigizwe n’abantu 35 bafatiwe mu karere ka Kamasaka muri komini ya Annex. Iri tsinda bivugwa ko ryasanzwe mu migenzo ya Gipfumu iraguriza kugaba igitero bagomabaga kugaba mu mujyi wa Katanga.
Kuwa 14 Gashyantare 2021 nibwo abarwanyi b’umutwe wa Mai-Mai Bakata-Katanga baheruka kugaba igitero ahitwa Camp Kimbeimbe no ku bubiko bw’intwaro bwa Kibati i Lubumbashi. Abantu 10 biganjemo abasivili nibo bahitanwe nacyo.
