Mu DRC, Imirwano ikomeye yongeye kubura hagati y’umutwe w’inyeshamba wa M23 n’indi mitwe ishyigikiwe n’ingabo za Republika ya Democrasi ya Congo irimo Wazalendo na FDLR, Nyatura n’abandi. Iyi mirwano ikaba yabaye mu gihe umutwe wa M23 ngo washakaga gushinga ibirindiro bishya muri Tongo.
Ni imirwano irimo kubera mu gace ka Marangara na Kanyangili muri Teritware ya Rutsuru, mu Ntara ya Kivu Y’Amajyaruguru .
Nk’uko isoko ya Rwanatribune ibitangaza, yavuze ko inyeshyamba za Wazalendo zishyigikiwe na Leta ya ya Congo, ariyo yagabye ibitero muri utwo duce ziriya Nyeshamba zo mu mutwe wa M23 zashakaga kuba zicayemo. Kuri ubu amakuru yizewe atugeraho ni uko iyo mitwe ikomeje kuyabangira ingata.
Iyi mirwano ikaba yaratangiye k’umunsi w’ejo ku mugoroba (6:00pm), kugeza muri iki Gitondo cya none bakaba bazindutse basakirana nk’uko aya makuru twayahawe n’abaturage baturiye ibyo bice.
Iyo mitwe ihanganye na M23 ikaba ariyo Wazalendo y’ibumbiye mw’izina rya CMC-FDP n’indi mitwe irimo Nyatura ndetse na FDLR irwanya ubutegetsi bwa Kigali.
Iyi mirwano yabereye muri Gurupoma ya Tongo, mu gace ka Rushege na Rushovu, muri Cheferie ya Bwito.
Uwineza Adeline
