Ishami rishinzwe iperereza muri Repubulika ya Demokarasi ya Congo (ANR), rirashinjwa kuba ridakora umurimo waryo kinyamwuga, ngo kuko ari abanyabinyoma, ba bihemu no guharabika abo bashaka kugirira nabi mu kazi bashinzwe bitewe n’inyungu z’uwabatumye.
Ibi byasobabanuwe n’uwahoze ari umujanama w’ihariye wa Perezida Félix Tshisekedi, Fortunat Biselele mu itangazo ryasohotse ejo kuwa 24 Nyakanga 2023, avuga ko ANR idakoresha ukuri mu kazi kayo ka buri munsi.
Fortunat Biselele wari umaze igihe afunzwe n’inzego z’iperereza za ANR, yatangaje ibi nyuma y’uko afunguwe mu mpera z’iki Cyumweru dusoje. Uyu mugabo yafunzwe mu mwaka ushize wa 2022, azira ko afitanye amabanga akomeye na leta y’u Rwanda.
Bwana Biselele Fortunat, yagize ati: “Abakozi ba ANR, ni abahemu, nta bunyangamugayo batunze habe na mba. Birababaje kubona barandenganije.”
Yakomeje avuga ko, aba bakozi b’iperereza rya Leta ya Congo (ANR), ko iyo bashaka kuguta mu kaga bakora iyo bwabaga yewe bakanifashisha ibimenyetso bihimbano kugirango babone uko bakugirira nabi.
Yasoje agira ati: “Bafashe amashusho yanjye bwite nari nsanganwe muri telephone ngendanwa, barangije barayiyi tirira, bagaragaza ko arayo bamfotoye, baramparabika banta no mu nzu y’imbohe kandi ndengana.”
Ibindi mwasoma iryo tangazo:
Uwineza Adeline
