Amakuru aturuka mu mu jyi wa Goma,Intara ya Kivu y’amajyaruguru areemeza ko ingabo za FARDC zaburijemo igitero cyari cyateguwe n’inyeshyamba za Mai mai Mazembe zari zigambiriye guteza akavuyo mu mujyi wa Goma.
Mu kiganiro yagiranye na Rwandatribune.com, Major Ndjike Kaiko yemeje aya makuru agira ati:twafashe abarwanyi 20 mu gikorwa cy’umuhigo cyatangiye kuwa 20 ugushyingo hano mu mujyi wa Goma,aba barwanyi bakaba bibumbiye mu gatsiko kiyise Mai Mazembe,kari karateguye ibikorwa byo kudurumbanya umujyi wa Goma.
Major Kayiko yakomeje avuga ko nyuma y’ibikorwa byo guhiga aba barwanyi,hatawe muri yombi 20,akaba yashimiye ubufatanye n’abaturage b’umujyi wa Goama kandi akaba abasaba gukomereza aho.
Hari hasize iminsi Perezida Kisekedi asuye umujyi wa Goma kimwe n’intara ya Kivu y’amajyaruguru intego nyamukuru akaba ari ukugarura umutekano muri iyi ntara,ku bwa Maj Ndjike Umuvugizi wa FARDC,asanga ari itangiriro.
Mwizerwa Ally
