Jean-Marc Ngahangondi umudepite mu nteko ishingamategeko ya Repubulika iharanra Demokarasi ya Congo yatunguranye avuga ko abarwanyi b’umutwe wa ADF urwanya Leta ya Uganda bacumbitse muri Beni hafi n’umugezi wa Semuliki muri Kivu y’Amajyaruguru.
Aganira na ACTU7.CD ku uri uyu wa kabiri, tariki ya 12 Mutarama, uyu muyobozi yavuze ko amakuru yaho inyeshyamba za ADF zashinze inkambi yayabwiwe n’abaturage batuye mu gace ka Bashu bavuze ko mu gace kari hafi y’umugezi wa Semuliki hacumbiste abarwanyi benshi ba ADF.
Yagize ati: “Igihe abasirikare birukanaga izi inyeshyamba mu gace ka Ruwenzori, ADF yimuriye abarwanyi bayo benshi mu gace ka Kamwanga ku mugezi wa Semuliki”
Depite Ngahangondi yahamagariye abayobozi gufasha FARDC kubona uburyo bwo gukurikirana no kurandura umutwe wa ADF umaze igihe uzonga abaturage ba Kivu y’Amajyaruguru.Yagize ati: “Nzi neza ko inzira imwe rukumbi yatuma abaturage ba Beni babona umutekano ari uguhiga bukware izi nyeshyamba . Guverinoma igomba guha ingabo uburyo bukenewe, cyane cyane intego nziza ,amafaranga, ibikoresho by’intambara, imiti ndetse n’ibiribwa kugirango bahangane na ADF”
Ingabo z’igihugu cya Repubulika Iharanira Demokarasi ya Congo ziri guhiga inyeshyamba za ADF,Zimaze imyaka 6 zarazonze abatuye aka gace mu bikorwa by’umujura gushimuta no kwica abaturage b’inzirakarengane.
Ildephonse Dusabe
