FARDC ntiyorohewe n’Abanyekongo nyuma yo gutsindwa uruhenu na M23 muri Masisi na Rutshuru

Umutwe wa M23 ukomeje gushushubikana ingabo za Repubulika Iharanira Demokarasi ya Congo FARDC muri Teritwari ya Masisi na Rutshuru, none byatumye Abanyekongo bareba ikijisho aba basirikare.

Ifatwa rya Mushaki na Rubaya, ryatumye benshi mu Banye congo bashigikiye ubutegetesi bwa Pereizda Felix Tshisekedi ,batangira kwishisha ubushobozi bwa FARDC mu gihe bari  bizeye ko izahangamura M23 igihe icyaricyo cyose.

Mu gihe M23 ikomeje kwigarurira uduce twinshi muri Kivu y’Amajyaruguru, aba Banye congo bakomeje kwibaza amaherezo ya FARDC no kuyitakariza ikizere bavuga ko idashoboye kurwanya M23.

Amakuru ari gucicikana ku mbuga nkoranya mbaga mu mujyi wa Goma, aranenga cyane abayobozi b’ingabo za FARDC muri kivu y’amajyaruguru ,bavuga ko badashoboye ndetse ko bagomba gufungwa bose.

Ubu butumwa bw’aba Banye congo basabira abasirikare bayoboye urugamba gufungwa, buri mu bwatumye  Bgd Gen Mugabo Hassan na Bgd Gen    bayoboye ingabo muri Teritwari ya Masisi na Walikare,  bagira amakenga yo gusubira mu mujyi wa Goma ,ahubwo bahitamo gukomeza bahungira M23 mu mashyamba ya Katoyi.

Bgd Gen Mugabo na Bgd Gen Mayanga ,banze gusubira i Goma nyuma yo gutumizwaho n’ubuyobozi bukuru bw’ingabo, kugirango bajye gusobanura impamvu M23 yabambuye Localite ya Mushaki ikabasha gufunga umuhanda Goma-Masisi.

Aba Banye congo, bakomeza bavuga ko batumva ukuntu M23 ikomeje kwambura FARDC  uduce twinshi muri Kivu y’amajyaruguru, byatumye bikanga ko iyi ntara yase ishobora kuzaba iri kugenzurwa na M23 mu bihe biri imbere.

Bashinja FARDC ubugwari mu gihe ifite ibikenerwa byose ngo ibashe gutsinda M23 birimo ibifaru, imbunda ziremeye zirasa   bombe mu ntera ndende,indege z’intambara harimo n’izo baheruka gukura mu Burusiya  (Sukhoi-25) n’ibindi, hakiyongeraho abacanshuro b’Ababazungu,FDLR CMC Nyatura,APCLS n’indi mitwe itandukanye ya Mai Mai ,ariko bakaba barananiwe guhagarika M23 idafite bene ibyo bikoresho.

Basabye Perezida Tshisekedi gushaka indi mitwe idasanzwe y’ingabo, yaba iyo muri DRC cyangwa iturutse mu mahanga,  ikoherezwa mu muri Kivu y’Amajyaruruguru ku mirongo y’urugamba, mu rwego rwo guhagarika umuvuduko wa M23,  ngo kuko abasirikare ba FARDC bahanganye na M23 muri Masisi na Rutshuru  batazabasha guhagarika  M23.