Igisirikare cya Repubulika Iharanira Demokarasi ya Congo (FARDC) cyagaramye ijwi ryo kuri telefone ryumvikanamo Perezida Felix Tshisekedi avugana n’Umujenerali wa FARDC agera aho akanamusaba nimero ya Gen Omega wa FDLR.
Ijwi rya Telefone ryumvikanye mu mpera z’icyumweru gishize, aho Perezida wa Repubulika Iharanira Demokarasi ya Congo, Félix Tshisekedi avugana na General Mugabo uyoboye ingabo zatsinsuwe na M23 mu mujyi wa Kitshanga.
Muri icyo kiganiro, Perezida Tshisekedi yumvikana asa nk’utonganya Gen Mugabo amubaza impamvu batsinzwe na M23 ikabambura uyu mujyi.
Muri iki kiganiro kandi bigera aho Tshisekedi akamubaza amakuru ya Gen Omega wa FDLR amusaba nimero ye kugira ngo amwake ubufasha muri uru rugamba.
Kuri iki Cyumweru tariki 29 Mutarama 2023, Umuvugizi wa FARDC, Gen. Maj. Sylvain Ekenge Bomusa, yamaganye iri jwi ryasakaye ku mbuga nkoranyambaga.
Mu itangazo ryashyizwe hanze na Gen Ekenge yavuze ko iryo jwi atari umwimerere ahubwo ko rwacuzwe bigizwemo uruhare na Brig. Gen. Bernard Byamungu wo muri M23 ndetse ngo n’abo mu butasi bw’u Rwanda.
RWANDATRIBUNE.COM
