Igisirikare cya Leta ya Congo (FARDC), kiyemeje gukora impinduka muri Teritwari ya Uvira, mu ntara ya Kivu y’Amajyepfo mu rwego rwo guhangana na Twirwaneho.
Ni muri urwo rwego ejo kuwa 24 Ugushyingo 2023, muri Teritwari ya Uvira, hoherejwe Delegation irimo abasirikare bakuru batandukanye barimo GenTango Fort Amisi Kumba, waje ava mu Ntara ya Tanganyika na Brigadier General Andre Oketi Ohenzo, waje ava mu Minembwe, mu misozi miremire y’i Mulenge.
Iyi Delegation ngo yaba igiye kuzana impinduka muri iyi Teritwari zo guhangana na Twirwaneho, dore ko bivugwa ko umusirikare wari uhayoboye agiye gufungwa azira abasirikare baheruka gupfira mu mirwano yabereye mu bice byo muri Localite ya Kaholoro, mu misozi miremire ya Rurambo.
Ikindi ni uko Gen Andre Oketi Ohenzo wayoboraga Brigade ya 12 ikorera mu Minembwe, nawe yoherejwe muri Teritwari ya Uvira gufatanya niyo Delegation.
Uyu munsi kuwa 25 Ugushyingo 2023, nibwo iriya Delegation y’Abasirikare iyobowe na Gen Tango Fort iragaragaza misiyo yabazanye muri Teritwari ya Uvira.
Adeline Uwineza
Rwandatribune.Com
