Lieutenant General Sikabwe Asinda Fall, byemejwe ko ariwe wasimbuye Gen Peter Chirimwami Nkuba wari wahawe kuyobora operation z’intambara ziri kubera mu Ntara ya Kivu y’Amajyaruguru.
Ibi byatangajwe n’umugaba Mukuru w’ingabo za Repubulika ya Demokarasi ya Congo, Gen Christian Tshiwewe Songesa, uri mu ruzinduko rw’akazi i Goma, kuva kuwa 06 Ugushyingo 2023.
Yabitangaje ubwo yari mu biganiro byo guha moral abasirikare ba FARDC, ubu bari mu ntambara n’umutwe w’inyeshamba wa M23 muri iyi Ntara ya Kivu y’Amajyaruguru, kuri uyu wa 7 Ugushyingo 2023.
Gen Sikabwe Fall, asimbuye kuri uwo mwanya Gen Peter Chirimwami Nkuba, wari usanzwe ari Guverineri akaba yari ayoboye na operation zose z’urugamba. Amakuru akomeza avuga ko Peter Chirimwami Nkuba kuri ubu yahamagawe i Kinshasa aho bikekwa ko y’aba azira ngo kuba afite umugambi wo gutanga umujyi wa Goma ku nyeshyamba za M23.
Nk’uko iyi nkuru ikomeza ibivuga, ngo mu ngabo za FARDC, hamaze kwinjiramo umwuka mubi kubera ko ngo harimo abasirikare benshi bashinjwa gukorana n’umutwe w’inyeshyamba wa M23 kandi ariwo bahanganye nawo.
Gen Major Peter Chirimwami, asanzwe ashinjwa kandi ko ariwe wagize uruhare kugira ngo umujyi wa Bunagana ufatwe n’umutwe w’inyeshyamba wa M23 , ahagana mu mwaka wa 2021.
Si ubwambere abayobozi bo mu ngabo za FARDC, bashinjwa kugambana k’uruhande bahanganye, kuko benshi barafunzwe abandi bakatirwa urwo gupfa nyuma yo kubona ko byabacikiyeho bakiyirukira, ibyo rero bigafatwa nk’ubugambanyi kuribo ndetse bakaba bagomba kubiryozwa.
Uwineza Adeline
Rwandatribune.Com
