Gen Chirimwami umuyobozi w’intara ya Kivu y’amajyaruguru yatembereje Gen Follow waje kumusimura k’ubuyobozi bw’urugamba ruri kubera muri Kivu y’amajyaruguru, anamutembereza mu basirikare be bose kugira ngo abashe kwiyumvamo aba basirikare.
Uyu muyobozi wambuwe inshingano zo kuyobora urugamba nyuma yo guhamagazwa I Kinshasa akabazwa impamvu bakomeje kugenda bamburwa ibice byinshi n’inyeshyamba za M23 ndetse bakaba bari gutsindwa k’uburyo bukabije, hanyuma agasubiza ko ikibitera ari uko afite imirimo myinshi irimo kuyobora urugamba icyarimwe n’Intara kandi byose bigoye.
Gen Chirimwami akimara gusobanura ikibazo yahuye nacyo bahise bamukuraho inshingano zo kuyobora urugamba, bamusigira ubuyobozi bw’intara.
Kuri uyu 11Ugushyingo nibwo Gen Chirimwami yateranije inama kugira ngo yerekane umuyobozi mushya w’urugamba ndetse anamutembereza k’urubuga rw’imirwano.
Uyu Gen Chirimwami yasigaranye ubuyobozi bw’intara yari asanzwe afatanya no kuyobora urugamba, rw’intambara iri kubera muri Kivu y’Amajyaruguru.
Yves Umuhoza
Rwanda Tribune.com
