Nyuma yifungwa rya Lt Gen Philemon Irung Yav watawe muri yombi mu gitondo cyo kuwa 20 Nzeri 2022, Gen Cirumwami wahoze akuriye Operasiyo Sokola 2 nawe yatawe muri yombi amusanga muri gereza ya Makala.
Gen Cirumwami wari umukuru w’ibikorwa bya Gisirikare mu Ntara ya Ituri ,yatawe muri yombi mu gitondo cyo Kuri uyu wa 22 Nzeri 2022 ,ahita ajya gufungirwa i Kinshasa muri gereza ya Makala aho Lt Gen Philemon Irung Yav afungiye kuva yatabwa muri yombi n’abashinzwe kurinda umutekano w’Umukuru w’Igihgu.
Gen Cirumwami arakekwaho ibyaha byo gukorana n’umutwe wa M23 bisa neza nibyo Lt Gen Philemon Irung Yav yafungiwe.
Yahoze akuriye Operasiyo sokola 2 ishinjwe ku rwanya imitwe yitwaje intwaro muri Kivu y’Amajyaruguru, aza gusimburwa kuri uyu mwanya na Lt Gen Philemon Yav ubu bafungiwe ibyaha bisa.
Mu ngabo za FARDC, hakomeje kuzamuka umwuka w’urwikekwe aho hakekwa ko bamwe mu basirikare bakuru Muri Kivu y’Amajyaruguru bashobora kuba bakorana n’umutwe wa M23.
Twibutse ko mu gitondo cyo kuri uyu wa 22 Nzeri 2022 , hari abandi Basirikare ba FARDC bagera kuri 75, Bivugwa ko bahoze hafi ya Lt Gen Philemon Irung Yav ,nabo batawe muri yombi bazira ubugambanyi no gukorana na M23 ibyaha basangiye na Sebuja Lt Gen Philemon Yav.
HATEGEIMANA Claude
Rwandatribune.com
