Lt Gen Nduru Jacques Chaligonza Umuyobozi wungirije wa FARDC ushinzwe operation za gisirikare n’Ubutasi, yahaye Abanye congo umukoro , niba bifuza ko ingabo za Leta FARDC zitsinda intambara bahanganyemo na M23.
Mu muhango wo guhererekanya ububasha ku buyobozo bw’intara ya Kivu y’Amajyaruguru wabaye kuwa 19 Nzeri 2023 aho Gen Maj Peter Cirimwami yasimbuye Lt Gen Constant Ndima, uwari uyoboye uwo muhango ariwe Gen Maj Nduru Chaligonza , yavuze ko kugirango DRC abashe gutsinda inyeshyamba za M23, bisaba gushyigikirwa n’Abaturage ku rwego frwo hejuru ndetse ko bitabaye ibyo , Ingabo za Leta FARDC zitazabasha gutsinda iyi ntambara.
Gen Maj Nduru Chaligonza, yakomeje avuga ko nta ngabo na zimwe ku Isi , zigeze zitsinda intambara zidashyigikiwe n’abaturage.
Ati:’Birasaba uruhare rw’Abaturage . ntabwo ari affaire z’Abasirikare gusa .abaturage bagomba kubigiramo uruhare rufatika niba bifuza ko dutsinda iyi natambara duhaanganyemo na M23”
Gen Maj Chaligonza, yakomeje avuga ko mu mateka ya DRC, hatigeze habaho igisirikare nk’ikiriho muri ibi bihe, asaba Abanye congo kubyaza umusaruro aya mahirwe ndetse bakarekeraho kunenga no gusebya igisirikare cyabo ku karubanda.
Ati:”Ntabwo ndabona igihugu na kimwe aho abaturage basebya igisirikare cyabo ku karubanda. Murasabwa gushyigikira igisirikare cyanyu. Ni mutagishyikira muzashyigikira inde? iyi ntambara murabona tuzayitsinda gute?”
Gen Maj Chaligonza, atangaje ibi ,mu gihe Abanye congo batandukanye , bakomeje kunengera Ingabo za Leta ku karubanda, bazishinja kuba zitabasha gutsinda umutwe wa M23 , ngo zikaba zikunze kuyabangira ingata igihe cyose zihuye n’Abarwanyi b’uyu mutwe.
Abanye congo kandi, bashinja Ingabo za Leta FARDC kutagira ikinyabupfura kiranga umusirikare w’umwuga nko kwambura , kwishyora mu bikorwa by’ubujura , kubahohotera aho kubarindira umutekano nk’uko bikubiye mu nshino zabo.
Claude HATEGEKIMANA
Rwandatribune.com
