Kuri uyu wa Kabiri tariki ya 15 Werurwe 2022 intumwa zidasanzwe z’u Rwanda zirangajwe imbere na Minisitiri w’Ingabo Maj Gen Albert Murasira zageze mu Burundi aho zajyanye ubutumwa Perezida Kagame yageneye Perezida w’u Burundi Evariste Ndayishimiye.
Umuvugizi wa Perezida w’u Burundi yavuze ko Maj Gen Murasira Albert yashyiirije Perezida Ndayishimiye ubutumwa yahawe na Perezida wa Repubulika y’u Rwanda Paul Kagame.
Maj Gen Albert Murasira n’intumwa yari ayobowe bakiriwe na perezida Ndayishimiye i Gitega mu murwa mukuru w’u Burundi.
Mu itangazo rigenewe abanyamakuru rwasohowe n’umuvugizi wa Perezida Ndayishimiye Evelyne Butoyi yavuze ko izo ntumwa zari zizanye ubutumwa perezida w’u Rwanda Paul Kagame yoherereje mugenziwe w’u Burundi.
Evelyne Butoyi yavuze kandi ko izo ntumwa z’u Rwanda zaganiriye n’umukuru w’u Burundi ibijyanye n’imigenderanire hagati y’ibihugu byombi .
Yagize ati: “Murabizi ko ibihugu byombi birimo gukorana bya hafi hagamijwe kuzahura imigenderanire yabyo imaze iminsi itameze neza.”
