Rtd Lt Gen Pecos Kutesa wafatwaga nk’intwari muri Uganda nyuma yo kuba umwe mu bafashije Museveni n’ingabo za NRA gufata igihugu mu rugamba rw’ishyamba , Yitabye Imana aguye mu bitaro byo mu Buhinde.
Lt Col Ronald Karungu wungirije umuvugizi w’igisirikare cya Uganda UPDF , yemeje aya makuru y’urupfu rwa Rtd Lt Gen Kutesa. Lt Col Karungu yavuze ko Gen Kutesa yari yaragiye kwivuriza mu Buhinde indwara atigeze atangaza, gusa avuga ko ari naho uyu musirikare wa Uganda yaguye.
Ikinyamakuru Commando One Post cyanditse ko Lt Gen Pacos Kutesa wasezerewe mu ngabo za Uganda UPDF mu kwezi gushize yari asanzwe arwara indwara y’impyiko binakekwa ko ishobora kuba ariyo yamuhitanye.
Lt Gen Pecos Kutesa ni umwe mu nkingi za mwamba mu bahoze ari abarwanyi ba NRA, baje gufasha Museveni na NRA muri rusange gufata ubutegetsi bwa Uganda ahiritse Milton Obote mu mwaka 1986.
