Umuyobozi wa Polisi wungirije mu ntara ya Kivu y’Amajyaruguru CG Philomen Mushid Yav yafashe icyemezo cyo kohereza abapolisi gufasha FARDC mu rugamba ihanganyemo na M23 .
Iri tegeko ryatanwe na CG Mushid tariki ya 7 Kamena 2022 mu mujyi wa Goma, rikaba ryatangiye kubahirizwa kuri uyu wa 8 Kamena 2022, ubwo inite igizwe n’abapolisi yoherejwe i Kibumba ahakunze guca ibitero bikomeye by’umutwe wa M23.
CG Mushid Yav yagize ati:” Twakoranye imyiyereko n’abapolisi bose mu mujyi wa Goma,mbibutsa ko mu gihe igihugu cyatewe inshingano za Polisi atari ukurinda abaturage n’ibyabo gusa ahubwo ko hiyongeraho no kurinda ubusugire bacyo. Naje mu rwego rwo gukangura no kwibutsa abapolisi bacu ko bagomba gufasha igisirikare cyacu FARDC”
Kuva muri Werurwe 2022, M23 yatangiye kwigarurira Lokarite nyinshi za Teritwari ya Rusthuru mu bitero bikomeye yandega igaba ku ngabo z’igihugu.
Mu mwaka 2013,uyu mutwe wigeze gufata umujyi wa Goma, ari nabyo byatumye ubwo wagabaga ibitero werekeza muri uyu mujyi, FARDC yakoresheje uko ishoboye iyihagarikira i Kibumba nko mu birometero 20 uvuye mu mujyi wa Goma mu mirwano ikaze.
.
