Kuri uyu wa Gatandatu, mu mujyi wa Goma, mu Ntara ya Kivu y’Amajyaruguru. Hatoraguwe undi murambo w’ umugore mu gihuru muri Quartier ya Kiziba.
Uru rubuga rwatangaje ko Wazalendo na FDLR bari gukorera hamwe mu kwica abasivile kibandi mu mujyi wa Goma no mu nkengero zayo.
Bagize Bati: “Basanze umugore yaguye i Kiziba, mu gitondo cyo kuri uyu wa gatandatu tariki 13/04/2024. Abantu baricwa buri munsi, abagore bafatwa ku ngufu ndetse abandi barashimutwa.”
Kwicwa kw’abasivile i Goma byamaze kuba ibindi, ni mu gihe uyu apfuye, nyuma y’abandi batatu bishwe barashwe kuwa Kabiri, ndetse no ku wa Gatatu hakaba harishwe abandi nabo batatu; naho kuwa Kane hishwe abandi basivile babiri, bicwa batewe amabuye.
Ibi biri mu byatumye abarimo urubyiruko, Sosiyete sivile n’andi mashirahamwe ategamiye kuri leta bategura kwa magana ubwicanyi bukomeje kwiyongera umunsi ku wundi muri uyu mujyi wa Goma.
Iyo myigaragabyo biteganijwe ko izaba ku itariki ya 16/04/2024. Ikazaba igamije gusaba Guverineri na Meya w’u mujyi wa Goma, kwegura aho Bavuga ko kugarura umutekano bibananiye, nk’uko byatangajwe na bamwe mubari gutegura iyo myigaragabyo.
Rwandatribune.com
