Mu mujyi wa Goma, mu Ntara ya Kivu y’Amajyaruguru, mu Burasirazuba bwa Repubulika ya demokarasi ya Congo, bamwe mu basore n’inkumi baramukiye mu bikorwa by’ imyigaragambyo batawe muri yombi.
Ni mu myigaragabyo yaramukiye mu mujyi wa Goma, kuri uyu wa Gatatu, ubwo inzego zishinzwe umutekano zataye muri yombi abagera ku icumi na babiri, nk’uko bamwe muribo babivuga.
Bavuga ko imyigaragabyo yabereye i Goma, ahazwi nk’umurwa mukuru w’i Ntara ya Kivu y’Amajyaruguru, aho iyo myigaragambyo yari iyo kwamagana inzego z’umutekano zidakora ibishoboka byose ngo zigarure umutekano n’amahoro.
Mu minsi icumi nine gusa, muri Goma hamaze gupfa abantu barenga 18 benshi muri aba bapfuye bishwe barashwe abandi bicwa batewe amabuye. Abari inyuma y’ubwo bwicanyi hagatungwa urutoki abarimo abasirikare ba FARDC na Wazalendo.
Ubwo kuri uyu wa Gatatu abarimo insoresore zishigikiwe n’ishirahamwe rya LUCHA, ndetse na Sosiyete Sivile, bari mu myigaragabyo; Polise yabashije ku bitambika maze ihagarika abagera ku icumi na babiri, kuri ubu bakaba bafunzwe.
Abari muri iyi myigaragabyo bakaba bari kubwira itangazamakuru ko byaba byiza leta irekuye bagenzi babo ko kandi igihe batarekurwa hakorwa ibindi bibi birenze ibyakozwe.
Bati: “Turasaba ko barekurwa nta mpamvu ituma bafungwa. Ikindi turasaba ko umuyobozi w’u Mujyi wa Goma ko yegura. Igihe bagenzi bacu byanze ko barekurwa turabasezeranya ko tugiye gukora Indi myigaragabyo kurandura.”
Ibi byavuzwe na Josué Walay, umwe mu bakozi ba LUCHA( ishirahamwe riharanira impinduka muri Repubulika ya demokarasi ya Congo).
Rwandatribune.com
