Nyuma y’Urugamba rukomeye rwahuje umutwe w’inyeshyamba wa M23 n’Ingabo z’u Burundi ziyemeje gufasha Wazalendo, FDLR na FARDC, hagaragaye indi mirambo y’Ingabo z’u Burundi harimo abamenyewe amazina n’abandi atamenyekanye.
Urwo rugamba rumaze iminsi itatu rwatangiye ku Cyumweru, kuwa Mbere, kuwa Kabiri no kuri uyu wa Kane, tariki 07 Ukuboza 2023, byavuzwe ko arirwo rwaguyemo abasirikare benshi b’u Burundi, kuva b’injira mu ntambara yeruye n’umutwe wa M23.
mu nkuru dukesha Umwanditsi w’umurundi witwa Pacifique Nininahazwe, yashyize hanze andi mazina y’abandi basirikare b’Abarundi baguye muri iyo mirwano. Mubo yatangaje harimo:
Caporal-Chef Clement Habyarimana(Matricile 76010/HR23005), yavutse mu 1983 avukira muri Komine Mutimbuzi, mu Ntara ya Bujumbura.
1ère Class Cassien Hatungimana(Matricile 80498/HR5122), yavutse mu 1993, avukiye muri Komine Matongo, mu Ntara ya Kayanza.
1ère Classe Celeus Ndayikeza(Matricile 83113/HR27179), yavutse mu 1998, avukiye muri Komine Gisagara mu Ntara ya Cankuzo.
2ème Classe Edson Izobampa(Matricile 87825/HR30956), yavutse mu 1999, yavukiye muri Ruhagarika.
Ni urugamba rwarangiye umutwe w’Inyeshyamba wa M23 ufashe Umujyi wa Mushaki, wo muri Teritwari ya Masisi, mu Ntara ya Kivu y’Amajyaruguru.
Mushaki, iherereye mu bilometre 36 n’umujyi wa Goma, uzwi nk’umurwa Mukuru w’Intara ya Kivu y’Amajyaruguru. Muri Repubulika ya Demokarasi ya Congo.
Muri Mushaki kandi hari ibirindiro bikomeye by’ingabo z’u Burundi, Wazalendo, FDLR na FARDC.
Ku wa Mbere, tariki 04 Ukuboza 2023, hatangajwe andi mazina y’Ingabo z’u Burundi zifasha FARDC na FDLR kurwanya M23, bafite ipeti rya Major,baguye mu mirwano aribo:
Major Onesphore Ndayiragije, wamamaye kw’izina rya Bigohe na Major Pascal Ngendakumana.
Adeline Uwineza
Rwandatribune.Com
