Haribazwa uko FARDC yananiwe kurwanya imitwe yitwaje intwaro ,yabasha guhangara  RDF nk’uko byavuzwe na Perezida Tshisekedi! 

Amagambo  Perezida Tshisekedi   yavugiye mu Bwongereza kuri uyu wa 20 Ukwakira 2022, yafashwe nka gashoza ntamabara ku Rwanda ndetse benshi bibaza uko FARDC yananiwe guhashya imitwe yitwaje intwaro mu Burasirazuba bwa DRC ,izabasha guhangara  Ingabo z’u Rwanda RDF .

Ubwo yahuraga n’Abanyekongo batuye mu bwongereza kuri uyu wa 22 Ukwakira 2022, Perezida Felix  Tshisekedi yababwiye ko  u Rwanda nirubahatiriza kujya mu ntambara nta yandi mahitamo DRC ifite, usibye kuyirwana byeruye.

Ibi Perezida Tshisekedi, yabivuze ashaka kugaragariza abo Banyekongo batuye mu Bwongereza, ko u Rwanda arirwo rwateye DRC rwihishe mucyo yise “M23″.

Yakomeje avuga ko u Rwanda, ari igihugu kiri mu muryango wa Commwealth w’Abongereza, bityo ko basaba Ubutegetsi bw’icyo gihugu gushyira igitutu ku Rwanda kugirango ruhagarike guhungabanya igihugu cyabo.

yagize ati:Turi mu Bwongereza igihugu kiri muri Commonwealth nk’u Rwanda. kiraduhungabanyriza umutekano. Inshingano zanyu ni ukumvisha Abayobozi b’Ubwongereza gushyira igitutu ku Rwanda. ntago dushaka ko ibintu bigera kure ku gasongero, ndavuga intamabara. ariko nibaduhatiriza nta yandi mahitamo tuzagira tuzarwana nabo byeruye.”

Amateka ya RDF na FARDC agaragaza iki?

Nyuma y’amagambo ya Perezida  Felix Thsisekedi,  benshi bantangiye kwibaza uburyo Igisiririkre cya DR Congo kimaze imyaka irenga 20 cyarananiwe guhashya imitwe yitwaje intwaro ibarizwa mu Burasirzuba w’Igihugu cyabo, yabasha guhangana n’igisirikare  nka RDF mu gihe bibaye ngombwa nk’uko Perezida Tshisekedi yabitangaje.

ni mu gihe nyamara, Ingabo z’u Rwanda (RDF) zagaragaje  ubunararibonye  n’ubuhanga mu ntambara zose zagiye zirangwamo ndetse zikaba zaranagize uruhare mu guhagarika umuvuduko w’inyeshyamba  zabaga ziri hafi kwigarurira Ubutegetsi mu bihugu nka Centre Afurika ubwo zari mu marembo ya Bangui zenda kuyifata.

Ingabo z’u Rwanda Kandi ,nizo zabashije kubohoza Intara ya Cabo Delgado muri Mozambike yari imaze imyaka 4 yarigaruriwe n’inyeshyamba zigendera ku mahame ya Islam, ziyusubiza mu Bugenzuzi bwa Leta ya Mozambike kugeza magingo aya.

Si ubwambere zaba zihanganye n’igisirikare cya DRC ,kuko zagize uruhare runini mu guhirika Ubutegetsi bwa  Mubutu Seseko wahoze ari Perezida wa Zayire (ubu ni DRC )wari waranazengereje Etienne Tshisekedi se wa Perezida  Felix Tshisekedi  uri ku butegetsi ubu.

aho ingabo z’u Rwanda zageze hose mu butumwa bwo kugarura amahoro n’umutekano, zakunze kugera ku ntego yari izijyanye ,ndetse zigakurirwa ingofero na benshi kubera ubuhanga n’umurava zakunze kugaragaza byanatumye zikunze kwambikwa imidari y’ishimwe .

Aha niho benshi bahera  bibaza ukuntu FARDC yananiwe kurwanya imitwe y’abantu  bitweje intwaro  mu Burasirzuba bw’igihugu cyabo, ishobora guhangana n’igisirikare nka  RDF.

Abahanga mu gusesengura iby’intambara ,bemeza ko kuba RDF ibasha gutabara Ibihugu byibasiwe n’Ibitero by’Inyeshyamba hafi kubifata ikabasha kuzisubiza inyuma mu gihe ingabo z’ibyo bihugu zabaga zananiwe , byagora cyane FARDC guhangana nayo mu gihe yaba iri kurwana ku Busugire bw’igihugu cyabo ”u Rwanda”

Bemeza kandi ko bakurikije amateka, ubuhanga n’ubukaka bw’ibisirikare byombi, FARDC natcyo yabasha gukora Imbere y’ingabo z’u Rwanda(RDF)   zisanzwe zimenyereye   intamabara kandi kenshi zikarangiza ziyitsinze, mu gihe iza DR Congo (FARDC) zikizwa n’amaguru iyo zumvishe urusasu, nk’uko biheruka kwemezwa n’umutwe wa M23 bahanganye.

HATEGEKIMANA Claude

Rwandatribune.com