Ibihugu byatangaje ko byiteguye kutanga ubufasha muri Haiti ni New York, Kenya, Benin, na Tchad, Bahamas, Jamayike, na Barubade bari muri Karayibe; na Bangladesh.
Ku wa gatanu, ibihugu birindwi byo muri Afurika, muri Karayibe, no muri Aziya byagaragaje ko byifuza gutanga umusanzu wabyo mu butumwa bw’ubutabazi bw’umutekano mpuzamahanga (MSS), buzoherezwa muri Haiti gufasha abapolisi baho.
Nk’uko amakuru aturuka mu muryango w’abibumbye abivuga, ibyo bihugu amezi ashize byatanze Kenya kugira ngo izayobore ubwo butumwa – Benin na Tchad muri Afurika; Bahamas, Jamayike, na Barubade mu bihugu bya Karayibe na Bangladesh, bityo babimenyesha umunyamabanga mukuru.
Ibihugu bimwe, nka Tchad na Bangladesh, bifite uburambe mubikorwa byoherezwamo mu mahanga mu butumwa bwo kubungabunga amahoro. Icyakora, Loni yagiye isobanura neza ko ubutumwa muri Haiti butazaba ubw’amahoro ahubwo ko ari ugushyigikira gusa polisi y’igihugu cya Haiti.
Bityo nta mbogamizi izabaho ku 2000 bakenewe muri ubu butumwa, imbogamizi ikomeye: ikigega cy’inguzanyo cyafunguwe mu gutera inkunga iyi gahunda cyashoboye gukusanya miliyoni 18 z’amadolari gusa, mu gihe byateganyijwe ko hakenewe miliyoni 240 z’amadolari kugira ngo ikorwe.
Muri izo miliyoni zakusanyijwe, Kanada niyo yatanze amafaranga menshi (miliyoni 8.7 $), ikurikirwa n’Amerika (miliyoni 6 $) n’Ubufaransa (miliyoni 3.2 $), bityo ibiro by’umuvugizi byongeye gusaba ibihugu bigize uyu muryango kurushaho gutanga no kuziba icyuho kugira ngo ibikenewe byose bigerweho.
Nubwo hateganyijwe ibyo, igihugu cya Karayibe kiri mu kajagari aho igice kinini cy’umurwa mukuru wacyo kiri mu maboko y’udutsiko tw’abagizi ba nabi, icyambu n’ikibuga cy’indege byarafunze imigenderanire mpuzamahanga irahagarara ndetse ibihumbi amagana by’abantu bavuye mu gihugu, byongeye kandi na miliyoni zirenga 5 z’abanyahayiti batunzwe n’ubutabazi.
Ku rundi ruhande, Perezida wa Kenya, William Ruto, yijeje ko igihugu cye “cyiteguye kandi ko gifite ubushake bwo kohereza abapolisi kugira ngo batange ubifasha bwo kugarura umutekano muri Haiti nyuma y’inama y’inzibacyuho ya Perezida (CPT) iteganyijwe ku wa kane.
Mu butumwa bwashyizwe ku rubuga rwe rwa X mu mpera z’uwa kane, Ruto yagize ati: “Kenya yijeje ko yoteguye gutanga inkunga iyo ariyo yose nk’igihigu kiyoboye iyo gahunda”.
Kenya, yashimangiye ko “yiteguye kandi ifite ubushake, ku bufatanye bw’ibihugu bya Afurika na CARICOM byiyemeje guharanira umutekano wa Haiti, kugira ngo byihutishe gushyira mu bikorwa ibikorwa by’umutekano byateganijwe” mu cyemezo cya 2699 cy’akanama k’umuryango w’abibumbye gashinzwe umutekano.
Icyitegetse Florentine
Rwandatribune.com
