Mu karere ka Musanze hari abagabo bavukana ari batatu bamenyekanye ku mbuga nkoranyambaga nkibyamamare mu gusetsa aribo: SINDIKUBWABO Peter,BUHIGIRO Andrea, ndetse na RUDAKUBANA Paul. Aba bagabo bakaba ari abo mu karere ka Musanze mu Ntara y’Amajyaruguru.
Gusa aba bagabo bakaba bari bafite ubumuga bwo kuba baravutse ari bagufi,gusa kandi bari bazwiho kuba ari abavandimwe bakundana cyane,kuko aho umwe yabaga ari ni naho n’undi yabaga ari.
Nyuma rero y’igihe kitari kinini umwe muri aba bavandimwe bita RUDAKUBANA Paul,yitabye imana k’umugoroba wo kuri uyu wa 14 Nzeri 2023, niho hamenyekanye inkuru yakababaro ivuga ko nanone uwitwa BUHIGIRO Andrea umwe muri bano bavandimwe nawe yitabye imana,akaba yari nawe mukuru muri bano bavandimwe batatu.
Buhigiro wari ufite imyaka 86 y’amavuko, akaba yitabye imana azize uburwayi busanzwe.Yapfuye nyuma ya murumuna we Rudakubana Paul wapfuye mu Ugushyingo umwaka ushize akaba yari afite imyaka 58 y’amavuko.
Murumuna wabo witwa SINDIKUBWABO Peter w’imyaka 49 kurubu akaba ariwe usigaye,muri bakuru be bose.
Aba basaza uko ari batatu, bavukiye mu karere ka Muhanga, bahava bajya muri Uganda aho bavuye bajya kuba mu karere ka Musanze.
Bamenyekanye cyane mu biganiro bitandukanye ku mbuga nkoranyambaga ziganjemo urwa YouTube kubera gusetsa, gusa bigahurirana cyane n’ukuntu bareshya kubera ubumuga bw’ubugufi bavukanye.
NIYIBIGIRA Schradrack
