Polisi ya Uganda yarekuye by’agateganyo Sergent Major Robert Kabera wahoze muri RDF wakekwagaho gutunga imbunda bitemewe imutegeka ko agomba kujya yitaba buri minsi 2.
Sgt Maj Kabera yagaragaye bwa mbere ari kumwe n’umwe mu bayoboke ba RNC bakorera muri Uganda witwa Sulah Nuwamanya.
Uyu Sula Nuwamanya ni nawe wavuzwe cyane gushaka abaturage b’Abanyarwanda baba muri Uganda agamije kubahuza na RNC ya Kayumba Nyamwasa.
Kabera azwi cyane mu Rwanda kubera ko yahoze mu itsinda ry’abaririmbyi mu ngabo z’igihugu rizwi nka Army Jazz Band.
Sgt Major Kabera yahunze ubutabera bw’u Rwanda mu mwaka 2020 , nyuma yaho ubushinjacyaha bwa Gisirikare bwari bwatangiye kumukoraho iperereza ku cyaha cyo gusambanya umwana we w’imyaka 15 yakekwagaho.
Uyu mugabo w’imyaka 45 y’amavuko yatawe muri yombi na Polisi ya Uganda , nyuma yo gukeka ko iwe mu rugo yari atunze intwaro mu buryo bunyuranyije n’amategeko.
RWANDATRIBUNE.COM
