Ifoto y’umunsi: Abarwanyi ba FDLR bayobowe na Maj Bizabishaka bagaragaye bavuye gusahura ibiryo

Abarwanyi b’umutwe wa FDLR bari kurwana ku ruhande rwa FARDC bagaragaye bavuye gusahura ibiryo mu ngo z’abaturage.
Amafoto yakwirakwiye ku mbuga nkoranyambaga agaragaza Maj Bizabishaka uba ari kumwe n’abandi barwanyi 6 ba FDLR bambaye impuzankano ya FARDC basa n’abamaze kurya, kuko imbere yabo haba hateretse isafuriya n’amasahane bisa n’ibyakoreshejwe.
Abarwanyi ba FDLR bari mu bikorwa byo gufasha igisirikare cya FARDC nk’uko amasezerano bagiranye i Pinga yabigaragaje.
FDLR ifasha abasirikare ba Kongo Kinshasa mu bikorwa bya gisirikare bigamije guhangana n’umutwe wa M23.
Muri aya masezerano, ubuyobozi bwa FDLR bwasabye FARDC kurekura abarwanyi bawo bari bafungiye ibyaha by’intambara no gusaba RDC gucana umubano byihuse n’igihugu cy’u Rwanda.