Gen Maj Cirumwami uyoboye urugamba FARDC ihanganyemo na M23 ya Gen Makenmga Sultan yagaragaye ku rugamba yambaye inkweto z’amoko atandukanye.
Gen Maj Cirumwani wari imbere y’abandi basirikare bigaragara ko bakereye itabaro, yari yambaye urukweto rumwe rwa kambambiri mu kirenge cy’iburyo mu gihe mu kirenge cy’ibumoso yambaye urukweto rwa Gisirikare.
Ababonye iyi foto bakomeje kuyivugaho byinshi bibaza niba uyu mu Gen yaba yarashwe mu kirenge bikamubuza kwambara urukweto, mu gihe hari n’abamwifatiye ku gahanga bavuga ko M23 yamurashemo bikarangira ataye urukweto rwe rw’ibumoso.
Hari n’amakuru avuga ko Gen Cirumwami usanzwe akuriye ubutasi mu ngabo za Congo Kinshasa zirwanira muri Kivu y’Amajyaruguru (Socola 2) yahungishirije umuryango we mu kigo cya gisirikare cya Katale _Buvunga atinya ko bagirirwa nabi na M23 yari yegereje gufata agace yari atuyemo.
Gen Cirumwami kandi avugwaho kuba ariwe wagiranye amasezerano n’imitwe y’inyeshyamba 6 irimo FDLR ikomeje gufasha FADRC mu rugamba bahanganyemo na M23 ya Gen Makenga.
