Perezida wa Uganda Yoweri Kaguta Museveni yagaragaje uko gukoresha demokarasi mu baturage ba Uganda yagize uruhare mu guhuza abatuye iki gihugu bavuka mu moko atandukanye kandi banabarizwa mu madini atandukanye.
Ibi Perezida Museveni yabigararije abasirikare ba 13 ba Zambia bari muri iki gihugu mu ruzinduko bagiriye mu biro bye biri i Entebbe muri Uganda.
Aba basirikare bayobowe na Col .M. K Mutila baje bari kumwe n’umuyobozi w’ingabo muri Ambasade ya Tanzania muri Uganda Brg Gen Mutilada.
Asobanura ihame rya Demokarasi rikoreshwa muri Uganda, Perezida Museveni yasobanuriye aba basirikare ko Demokarasi itagira intego iba ipfuye, ari naho yahereye ababwira ko ugomba kugira Demokarasi kugirango wubake imiyoborere ihamye.
Yagize ati”Demokarasi itagira intumbero iba ipfuye, bisaba Demokarasi kugirango ugire icyo ugeraho mu miyoborere”
Iri tsinda ry’abanyeshuri mu gisirikare cya Zambia ziri muri Uganda mu rugendoshuri zatangiye kuwa 27 Nzeri 2021 aho biteganijwe ko zizarusoza tariki 2 Ukwakira 2021.
