Muri Repubulika ya Demokarasi ya Congo, mu gace ka Kandoyi, muri Teritwari ya Aru, mu ntara ya ituri, Umutwe w’inyeshyamba wagabye igitero muri ako gace gihitana abagera kuri 16, abandi 12 barakomereka.
Ni igitero cyibasiye abacukuzi b’amabuye y’Agaciro b’ahitwa Shaba. Bivugwa ko, muri abo bacukuzi b’amabuye y’Agaciro, harimo abahasize ubuzima. (Tramadol) Na none kandi izo nyeshyamba zanyaze ibintu byinshi harimo amatungo ndetse batwika n’amazu arenga makumyabiri 20 yo muri ako gace.
Andi makuru avuga ko icyo gitero cyagabwe n’inyeshyamba za CODECO, mu masaha ya saa kumi z’ijoro kandi ko abakigabye baje bitwaje intwaro gakondo ndetse n’imbunda. Nibwo bahise batangira kurasa abantu ari nabwo hahise haba guhunga buri muntu wese akiza amagara ye.
Mu byatangajwe n’ubuyobozi bw’ako gace bavuze ko abagabo 11 n’abagore 3 aribo bishwe batemagura abandi 2 bapfa. Naho abagera 12 nibo bakomeretse bakaba bamaze koherezwa mu bitaro ariko biravugwa ko hari n’abandi bashimuswe.
Amakuru ava muri ako karere aravuga ko ibyo byose biterwa n’intege nke z’ingabo za Repubulika ya Demokarasi ya Congo FARDC. Zishinjwa kunanirwa guhagarika icyo gitero.
Icyo gitero kandi cyasize ingo zirenga ibihumbi zivuye mu byabo, zihungira mu gace ka Lebulu na Kadoyi centre.
Umutwe w’inyeshyamba wa CODECO mu itangazo washyize ahagaragara wahakanye ko atariwo wagabye icyo gitero.
Igisirikare cya Congo FARDC nacyo cyatangaje ko cyashizemo imbaraga nyinshi, mu kumenya abari inyuma y’icyo gitero.
Uwineza Adeline
