Imirambo y’abantu 22 niyo imaze kuboneka ku nkegero z’Umugezi wa Rusizi uhuza u Burundi,u Rwanda na Repubulika Iharanira Demokarasi ya Congo kuva mu Kuboza 2022.
Inzego z’ubuyobozi muri Komini ya Rugombo ,Intara ya Cibitoki habinetse iyi mirambo buvuga ko hakenewe imperereza ryimbitse ku nkomoko yayo.
Umuyobozi w’Intara ya Cibitoke, Careme Bizoza avuga ko iyi mirambo ishobora kuba ituruka mu bihugu by’ibituranyi n’u Burundi cyane ko iyabonetse yasanzwe ku nkengero z’umugezi wa Rusizi ku mupaka utandukanya Congo n’u Burundi.
Bamwe mu babonye iyi mirambo bavuga ko imwe muti yo yasanzwe yarangiritse indi isangwa ihambiriye mu mifuka nk’uko bitangazwa na Radio Ijwi ry’Amerika dukesha iyi nkuru.
Radio Ijwi ry’Amerika yashatse kumenye icyo impande z’ubuyobozi zitandukanye zegereye umugezi wa Rusizi zibivugaho maze ihamagara umwani Kinyoni ku ruhande rwa Congo avuga ko atatangira amakuru kuri telephone.
Ku ruhande rw’u Rwanda,Meya w’Akarere ka Rusizi ,Dr. Anicet Kibiriga yabwiye iyi radio ko ari mu nama asaba kohererezwa ubutumwa bugufi ariko ko iyi nkuru yarinze itangazwa ntacyo aravigaho.
