Mu Burasirazuba bwa Congo imirwano mishya yavuzwe guhera mu ma saa kumi za mu gitondo kuri uyu wa mbere tariki 18 Werurwe.
Amakuru aturuka muri ako gace yerekana ko iyi mirwano yahanganishije umutwe wa M23 n’abasore ba Wazalendo ku musozi wa Ndumba no ku misozi ireba umujyi wa Sake.
Hari n’amakuru avuga ko kuri ubu ibisasu byaguye no mu birindiro by’ingabo za loni za MONUSCO.
Abo ku ruhande rwa leta ya Congo bavuga ko M23 ariyo yatangiye ibitero ariko bakigamba ko ngo babashije kwihagararaho mu birindiro byabo. Ubwo twandikaga iyi nkuru M23 yari itaragira icyo ibivugaho.
Amezi hafi abiri arashize umujyi wa Sake wibasiwe n’imirwano.
