Mu muhango wabaye kuri uyu wa Gatandatu tarikiya 5 Gashyantare 2022, Brig Gen Henry Isoke yarahiriye inshingano ze nshya nk’umuyobozi ukuriye urwego rushinzwe kurwanya ruswa mu biro bya Perezida wa Uganda Yoweri Kaguta Museveni.
Gen Isoke yaje kuri uyu mwanya asimbuye Col Edith Nakalema woherejwe mu mahugurwa ya Gisirikare na Perezida wa Uganda Museveni.
Mu ijambo yagejeje ku bitabiriye uyu muhango, Gen Isoke yemeje ko urugamba rwo guhashya ruswa cyane cyane mu nzego nkuru za Uganda rushoboka.Yagize ati “ Birashoboka ko uru rugamba twarutsinda. Nk’umwofisiye ukunda igihugu, ufite n’ubumenyi ku bintu bitandukanye, twiyemeje ko tugiye guhaguruka tugahangana na Ruswa ubudetezuka”
Urwego rwo kurwanya ruswa ,mu biro bya Perezida wa Uganda rwatangijwe na Perezida Museveni mu mwaka 2018, nyuma yaho avuze ko agenda ahura n’ibibazo byinshi by’abaturage baba barega abayobozi bakuru ibyaha bifitanye isano na ruswa ,ku ikubitiri rukaba rwarahawe kuyoborwa na Col Nakalema wasimbuwe na Gen Isoke kuri uwo mwanya.
