Umutwe w’inyeshyamba za ADF Naru, wagabye igitero muri Localite ya ki kingi, muri Segiteri ya Rwenzori, Teritwari ya Beni, mu Ntara ya Kivu y’Amajyaruguru,gihitana umuntu umwe undi arakomereka.
Aya makuru kandi yemejwe na Sosiyete civile, aho yavuze ko icyo gitero cyagabwe mu masaha ya saa kumi z’igitondo. Maze izo nyeshyamba ziminja amasasu mu bantu bari bari guhinga mu mirima yo mu gace ka Nzobulo.
Joel Mwisa, ukuriye Sosiyete sivile yo muri Gurupoma ya Banyangala yemeza ko umurambo wuwo wapfuye watowe n’urubyiruko ruherekejwe n’Abasirikare uza kuzanwa aho yaratuye ki kingi.
Aya makuru kandi yemejwe n’abandi bahinzi barimo bahinga kurundi ruhande baje guhunga nyuma y’uko bari bamaze kumva ko bagenzi babo bagabweho igitero.
Tubibutseko iki gitero kije gikurikiye ibindi bitero byagabwe n’inyeshyamba za ADF bikaza guhitana ubuzima bwa benshi mu bihe bitandukanye kandi byinshi.
Uwineza Adeline
