Umwarimu wo ku kigo cy’Ishuri cyo muri Tanzania, yiciye mugenzi we ku ishuri bakoraho, amuteye icyuma nyuma yo gushyamirana bapfuye icyateye urujijo benshi.
Ibi byabereye ku ishuri ribanza rya Igaka riherereye mu Ntara ya Geita muri Tanzania, muri iki cyumweru aho aba barimu babanje gushyamirana.
Ubwo bashyamiranaga barimo bategura ibizamini by’abanyeshuri, uwitwa Emmanuel Chacha ahita atera icyuma mugenzi we witwa Samuel ahita agwa aho, bitungura benshi yaba abarimu bagenzi babo ndetse n’abanyeshuri.
Uyu mwarimu wateye icyuma mugenzi we yahise atabwa muri yombi, nkuko byemejwe n’Umuyobozi wa Polisi mu Ntara ya Geita witwa ACP Safia Jongo.
Uyu muyobozi wa Polisi, yatangaje ko igipolisi n’inzego z’iperereza, bahise batangira gukora ipererezakugira ngo bamenye icyatumye uyu mwarimu yivugana mugenzi we.
RWANDATRIBUNE.COM
