Igisirikare cya Israel cyagaragaje ko abantu bane mu bashimuswe na Hamas tariki 07 Ukwakira 2023 bapfuye ubwo abo bantu bishwe batwawe mu gitero cy’ingabo za Israel ahitwa Khan Younis mu majyepfo ya Gaza, ariko kugeza ubu imirambo yabo ikaba igifitwe n’abarwanyi ba Hamas.
Muri bo harimo Umwongereza wo muri Israel Nadav Popplewell w’imyaka 51,Chaim Peri , 79, Yoram Metzger, 80, na Amiram Cooper, 85.
Umuvugizi w’igisirikare cya Israel , Rear Admiral Daniel Hagari, yavuze ko aya makuru yemejwe n’iperereza ryabo ryakozwe mu byumweru bishize. Aho yagize ati: “Turabona ko uko ari bane bishwe bari kumwe mu gace ka Khan Younis mu gihe cy’ibitero byacu kuri Hamas”.
Nyamara Hamas yo yavuzeko umwe muri bo w’umwongereza Nadav Popplewell, yaguye mu gitero cy’indege za Israel muri Mata (4). Leta y’Ubwongereza yavuze ko irimo gukora iperereza, gusa kugeza ubu ntiremeza urupfu rw’uyu mugabo.
Mu gihe mu kwezi kwa 12 k’umwaka ushize, Hamas yasohoye video yerekana bariya bagabo batatu aribo Chaim Peri, Amiram Cooper na Yoram Metzger.
Ihuriro ry’ababuze ababo – Hostages and Missing Families Forum, ntiryanejejwe n’aya makuru aho ryavuze ko amakuru y’urupfu rwa ba bagabo rukwiye gutera abayobozi umwete wo gushakira umuti ibi bibazo.
Ryakomeje kandi rivuga ko: “”Chaim, Yoram, Amiram, na Nadav bashimuswe ari bazima bakajyananwa n’abandi ariko benshi muri bo baza kugarurwa biciye mu buryo bw’ubwumvikane, byari bikwiriye ko nabo bagaruka ari bazima.”
Umuyobozi w’ububanyi n’amahanga bw’igihugu cy’Ubwongereza David Cameron, yavuze ababajwe cyane no kumva urupfu rwa Nadav Popplewell nkuko yabitangaje ku rubuga rwe rwa X.
Abagera ku 1,200 barishwe naho 251 bamaze gutwara bunyago mu gitero cyo mu majyepfo ya Israel, nk’uko ubuyobozi bwa Israel bubivuga.
Mu gihe cy’icyumweru cy’agahenge cyabayeho mu Ugushyingo 2023 uyu mutwe warekuye abagera mu 105 mu bo wari warashimuse.
Gusa hari abagera ku 120 amakuru yabo kugeza ubu atramenyekana. Bikaba boneka ko bamwe muri bo bashobora kuba barapfuye.
Nyuma y’igitero cya Hamas, Israel yahise itangira ibitero ivuga ko bigamije kurandura uwo mutwe kubera iki gitero Hamas yari yakoze.
Hamas yo ikomeje kuvuga ko abantu bagera ku 36,470 bamaze kwicwa n’ibitero bya Israel muri Gaza mu mezi hafi umunani ashize y’imirwano.
Niyogisubizo Cynthia
Rwandatribune.com
