Ese ahari ubukene n’inzara biri mu itsinda ry’abarwanyi Gen.Jeva ayoboye niryo ritumye aryama akarota intambara iNyabimata?
Kuva k’umunsi w’ejo taliki 17 Ukuboza 2020,hatangiye kuzerunguruka Itangazo ry’umutwe wa FLN,ryigamba igitero iNyabimata ahitwa Manyovu,muri iryo Tangazo FLN ivuga ko hifashishijwe n’indege za Kajugujugu,ayo matangazo akaba yakwirakwije ku mbuga za Whatsapp na Facebook.
Benshi mu banyarwanda baba ku mbuga nkoranyambaga za facebook bazi ukuri dore ko bamwe baturiy ako gace kandi bakaba bazi ubunyamwuga bwa RDF,basamiye hejuru ayo matangazo batangira kuyajora haba mu miterere ndetse no mu myandikire.
Uwiyita Rutimirwa Fox yagize ati:barabashuka uRwanda ruratera ntiruterwa,Minani Fulgence we ati:ngo ngw’iki?Abasazi ni nk’abana…Ni bagerageze.Bababze boss wabo Rusesa,ntekereza ko iki cyemezo batacyunvikanyeho,
Uwitwa Marie Grace Gracia yagize ati:haricyo mbaza njye,iNyabimata aho ngo imirwano kandi igikomeza nihe?aba bantuni bazima,iyihe mirwano iri mu gihugu ya FLN koko?ese n’ukwirarira cyangwa n’inzozi?
Mu butumwa bwatambutse bose baganisha kwerekana ko uwateguye iri tangazo kimwe n’iryubusize bari mu nzozi kuko FLN ibyayo byarangiye,iNyabimata bari mu iterambere kandi umutekano ari wose aya akaba ari amayeri bene abo bavuga ko barwanya Leta y’uRwanda bifashisha kugirango babone imisanzu bakura mu banyarwanda baba hanze batagira ubwenge.
Abakurikiranira hafi iby’umutekano mu karere k’ibiyaga bigari bemeza ko impamvu Gen.Jeva ari gukoreshya ya mayeri n’ukuberako aho CNRD UBWIYUNGE yirukaniwe muri MRCD UBUMWE,nta mikoro uyu mutwe usigaranye uretse gupfunda imitwe kuri youtube ikoreshwa na Felicien Hategekimana ubarizwa muri Amerika,Chantal Mutega,aho bahimbye ikinyoma cy’imirwano y’urudaca ihora za Nyungwe na Nyabimata,mu nkuru iherutse guca ku kinyamakuru cya wa mutwe w’iterabwoba wa FDLR cyitwa intabaza.com,umutwe w’iyo nkuru wagiraga uti:CNRD na FLN bari mu wuhe mukino?
Iki kinyamakuru gishinja uyu Felicien Hategekimana ubarizwa muri Amerika,Chantal Mutega,kwigira abacuzi b’ikinyoma bafatanyije na Gen.Hakizimana Jeva Antoine,bakereka impunzi ko bari ku rugamba,mu iyi nkuru kandi iki kinyamakuru gishinja Hategekimana Felicien ko yigeze afatirwa mu cyuho akoresha inama impunzi z’abanyarwanda abaka imisanzu avuga ko yatumwe na FDLR.
Kuba abambari ba CNDR/FLN birirwa muri aya manyanga y’itekinika ry’imirwano idashyira,ndetse n’imwe mu mitwe y’iterabwoba nka FDLR ikaba ibashinja amanyanga birerekana ko Gen.Jeva nta yandi mahitamo agifite uretse kurwanira kuri facebook n’izindi mbuga nkoranyambaga.
Umutwe wa FLN watsinsuriwe iKalehe wamburwa ibirindiro yakuragamo amafranga akomoka,ndetse abarwanyi barenga 1000 bacyurwa mu Rwanda,abandi baricwa harimo n’uwari ukuriye izi nyeshyamba Lt.Gen Wilson Irategeka aricwa,
umwe mu bahoze ari mu bayobozi bakuru ba FLN Col Joseph Gatabazi uzwi nka Gatos Ave Maria wari ushinzwe ibikorwa bya gisilikare G3 muri FLN yafatiwe Chivanga,avugana n’itangazamakuru yagiriye inama Gen.Jeva Hakizimana na bagenzi be aribo:Col Javel,Col Guado na Col Juventus,kwishyira mu maboko y’ingabo za MONUSCO bakaza iMutobo bagahabwa inyigisho zibashyira mu buzima busanzwe.
Mwizerwa Ally
