Jenerali Trevor Cadieu wahunze Canada agafatwa arwanira Ukraine niwe uzayobora akarasisi k’ingabo zafatiwe mateka ku rugamba i Moscow

Lt Gen Trevor Cadieu watorotse igisirikare cya Canada ahunze ubutabera  agafatwa arwana ku ruhande rwa Ukraine niwe uzayobora akarasisi k’ingabo za Ukraine zafatiwe i Mariupol kazabera i Moscow kuwa 9 Gicurasi 2022.

Amakuru yemezwa n’ingabo z’Uburusiya avuga ko Jenerali Trevor Cadieu ari mu basirikare barwana ku ruhande rwa Ukraine bafatiwe mu ruganda rwa Azovstal mu mujyi wa Mariupol .

Ingabo z’Uburusiya kuwa Kabiri w’iki cyumweru zatangaje ko zafashe Jenerali Trevor agerageza gucika aho bari bagotewe mu ruganda rwa Azovstal , zimujyana kumufungira mu Burusiya mu murwa mukuru Moscow.

Lt Gen Trevor, biteganijwe ko ariwe uzaba uyoboye akarasisi k’ingabo za Ukraine zafatiwe ku rugamba i Mariupol gateganijwe kubera I Moscow mu Burusiya ku tariki ya 9 Gicurasi 2022, ubwo buzaba bwizihiza umunsi bwatsinzeho ingabo z’Ubudage mu ntambara ya Kabiri y’Isi.

Uburusiya buvuga ko buzakoresha aba basirikare barimo n’abanyamahanga mu rwego rwo kwereka abaturage babwo n’Isi muri rusange ko igisirikare cyabwo ari ntavogerwa ,kabone n’ubwo cyaba gihanganye n’ibihugu bikomeye nkuko birimo kugenda mu ntambara ya Ukraine.

Lt Gen Trevor Cadieu  wari mu kiruhuko cy’izabukuru, Igisirikare cya Canada, giherutse gutangaza ko yatorotse akajya kurwana ku ruhande rwa Ukraine ubwo yari akurikiranweho ibyaha birimo ibyo guhohotera abagore .