Ubuyobozi bw’ikinyamakuru Jeune Afrique, bwashyize itangazo hanze risaba abashinzwe umutekano bo muri Repubulika ya Demokarasi ya Congo kurekura umunyamakuru wabo bafunze.
uyu munyamakuru ufunzwe yitwa Stanys Bujakera ni umunye congo, ukorera ikinyamakuru cy’Abafaransa kizwi ku izina rya Jeunne Afrique, amaze iminsi ibiri ari mu maboko y’abashinzwe umutekano muri Repubulika ya Demokarasi ya Congo.
Ubu buyobozi bwosohoye iri tangazo k’umunsi w’ejo kuwa 10 Nzeri 2023. ibi kandi byaje gusabwa n’ abashinzwe kurengera Abanyamakuru bo mu burusirazuba bwa Congo, nabo barasaba ko Abanyamakuru bahabwa uburenganzira bwabo kandi ko bikwiriye ahari Demokarasi hose.
Stanys Bujakera yarasanzwe azwi kuri Twitter aho yahoraga akoresha urukuta rwe rwa Twitter agatangaza ibibera muri DRC, azwi kuba atari umunyamakuru ubogama ikindi ni uko yakoreraga ibinyamakuru bikomeye birimo Jeunne Afrique n’ibindi.
Bujakera kandi yahagaritswe n’inzego zishinzwe umutekano muri Congo, kuri uyu wa Gatandatu w’iCyumweru gishize ahagana mu masaha y’igicamunsi kugeza ubu aracyari mu maboko yabo.
Guhohotera abanyamakuru batabogama si ubwambere bibaye muri iki gihugu kuko ni kenshi abanyamakuru bahora bafungwa ndetse abandi bakanicwa. Abashinzwe gukurikirana uburenganzira bw’abanyamakuru mu gihugu cya Congo bakomeza basaba Leta ya Congo guha buri wese ukwishyira ukizana kwa buri muntu.
Uwineza Adeline
