Ubuyobozi bukuru bwa Polisi mu murwa mukuru wa RDC, Kinshasa, bwafashe ingamba zikomeye zo gukaza umutekano hirindwa imyigaragambyo kuri uyu munsi w’irahira rya Perezida Felix Tshisekedi.
Mu ngamba zafashwe harimo ko bitemewe ko abantu barema amatsinda hanze y’ahabera irahira rya Tshisekedi, imyigaragambyo iyariyo yose ntiyemewe mu mujyi wose wa Kinshasa, ababifatirwamo ngo baraza guhura n’akaga gakomeye.
Bivuzwe mu gihe bamwe mu batavuga rumwe n’ubutegetsi bari basohoye itangazo rihamagarira abaturage kuza kwirara mu mihanda bamagana ibyavuye mu matora, kuko ngo yabayemo uburiganya, bakabona ko Tshisekedi atari akwiye kurahirira kuyobora icyo guhugu.
N’ubwo mu murwa mukuru wa Kinshasa bafashe izi ngamba, nta wakwizera ijana ku ijana ko nta midugararo ishobora kuba aho i Kinshasa no mu bindi bice bya RDC.
