Igihugu cya Leta zunze ubumwe z’Amerika ntikizisubiraho ku ngingo cyafashe cyo kugabanya abasirikare bacyo bari ku mugabane w’Afrika n’aho ibindi bihugu bivuga ko Amerika ikuyemwo akayo karenge bizagorana kurwanya iterabwoba rikomeje gutwara ubuzima bw’Abanyafurika.
Minisitiri w’Ubufaransa ushinzwe umutekano, Florence Parly yasabye kuri uyu wa mbere Leta y’Amerika gukomeza gufasha kurwanya iterabwoba, ibi akaba yarabivuze mu kiganiro yagiranye n’abayobozi bakuru b’igisirikare cy’Amerika i Washington.
Minisitiri w’umutekano wa Leta zunze ubumwe z’Amerika Mark Esper we yavuze ko Amerika ifise ibindi byihutirwa byo gukora mu tundi turere tw’isi.
Abategetsi b’Amerika bavuze ko bifuza kugabanya abasirikare bagera ku 6000 bari ku mugabane w’Afrika.
Ubufaransa bwo bufite abasirikare bagera 4500 muri Afrika bari mu gikorwa cyo kurwanya imitwe y’iterabwoba ya Leta ya kiyisilamu (ISS) na al-Qaida mu karere ka Sahel.
Ndacyayisenga Jerome
