Perezida wa Repubulika Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera Lt Col Niyomugabo Bernard amuha ipeti rya Colonel anamugira ushinzwe ibikorwa bya gisirikare muri Ambasade y’u Rwanda muri Qatar.
Nkuko itangazo ryashyizwe ahagaragara n’Ubuyobozi Bukuru bw’Ingabo z’u Rwanda Col Niyomugabo izi nshingano azajya azikorera muri Ambasade y’u Rwanda mu gihugu cya Qatar.
Uhagarariye ibikorwa bya Gisirikare muri Ambasade kandi, abarwa nk’umudipolomate ndetse ahabwa ubudahangarwa igihe cyose akiri mu nshingano.
Col Niyomugabo mu 2015 ubwo yari afite ipeti rya Lieutenant Colonel yoherejwe muri Sudani y’Epfo mu butumwa bwa Loni. Icyo gihe yagiye ayoboye icyiciro cya kane cy’ingabo zishinzwe kurwanisha indege.
