Lt.Gen Alain wa FARDC ukuriye ingabo muri Kivu y’Amajyaruguru yarasiwe i Kibumba

Lt.Gen Alain wari uyoboye urugamba i Kibumba yarasiwe mu mirwano yabaye kuri iki Cyumweru kuva mu rukerera bivugwako ingabo za Leta FARDC zahatakarije ibikoresho ndetse n’abasirikare benshi.

Nkuko byemezwa n’isoko y’amakuru ya Rwandatribune iri mu mujyi wa Goma, ibyemeza, iravuga ko uyu musirikare w’Umujenerari yarashw ekuri iki Cyumweru.

Andi makuru avuga kuri iyi ntambara y’ejo ku Cyumweru, avuga ko yakomerekeyemo umuyobozi wa diviziyo y’ingabo za FARDC zibarizwa muri Kivu y’Amajyaruguru Lt.Gen Alain, warashwe akaboko, ubu akaba arwariye mu bitaro bya CBK biri mu mujyi wa Goma.

Umunyamakuru wacu uri i Goma avuga ko ku munsi w’ejo imodoka zitwara indembe zanyuranagamo zizana inkomere mu mujyi wa Goma.

Ubwo twandikaga iyi nkuru, hari amakuru yatugeragaho avuga ko umutwe wa M23 wamaze kugera mu bilometero 8 ugana mu mujyi wa Goma.

Ally MWIZERWA
RWANDATRIBUNE.COM