Perezida Yoweri Kaguta Museveni wa Uganda akaba n’Umugaba w’Ikirenga w’Ingabo za Uganda (UPDF) yakoze impinduka mu gisirikare, yambura inshingano umuhungu we Gen Muhoozi Kainerugaba.
Mu mpindula yakoze, Perezida Museveni yazamuye Lt Gen Muhoozi Kainerugaba amugira General, naho Maj Gen Muhanga Kayanja azamurwa ku ipeti rya Lt General anahabwa kuba Umugaba w’Ingabo zirwanira ku butaka za Uganda.
Lt Gen Muhanga yari asanzwe Ari umuyobozi w’Umutwe udasanzwe urwanita mu misozi. Kuri ubu akaba yari mu burasirazuba bwa RD Congo, akuriye ingabo za Uganda zihanganye na ADF(Shujaa Operation Commander)
Kuzamura Gen Muhoozi mu ntera ntahite ahabwa inshingano,bisa no kumuha gasopo nyuma yo gutangaza amagambo akarishye ko afite ubushobozi bwo gufata umurwa mukuru wa Kenya , Nairobi mu gihe kitarenze ibyumweru 2.
Ubu butumwa bwa Muhoozi bwarakaje bikomeye abanya Kenya, ku buryo byahise bishyira Guverinoma ya Uganda ku gitutu cyo kwandika ibaruwa yitandukanya n’ibyatangakwe na Muhoozi Kainerugaba
Gen Muhoozi wazamuwe mu ntera none, abaye umusirikare wa Mbere wo kuri uru rwego, utagira izindi nshingano afite mu gisirikare cya Uganda
