Sosiyete Sivile ikorera muri Kivu y’Amajyaruguru, ivuga ko kugirango umutwe wa M23 ushyire intwaro hasi ndetse unasubire inyuma uve no mu bice wigaruriye, nta yindi nzira byanyuramo ngo bishoboke keretse kuyirasa byonyine.
Placide Nzilamba umwe mu bayobozi ba Sosiyete Sivile ikorera muri Kivu y’Amajyaruguru, yabwiye itangazamakuru ko ibyo Umutwe wa M23 uheruka gutangaza uvugako wemeye gushyira intwaro hasi ukava no bice wigaruriye nyuma y’imyanzuro yafatiwe mu biganiro bya Luanda kuwa 23 Uwakira 2023,bishobora kuba ari ikinamico.
Akomeza avuga ko, ubwo umutwe wa M23 washyiraga hanze iri itangazo, Abanyekongo benshi bategerezanye amatsiko bibwira ko uraza kubishyira mu bikorwa, ariko ngo amaso akomeje guhera mu kirere, ndetse nta n’ibimenyetso M23 igaragaza ko yiteguye gushyira intwaro hasi ikava no mu bice yigaruriye nk’uko iheruka kubitangaza.
Nzilamba, yasabye Ubutegetesi bwa DRC kuva mu biganiro ibyaribyo byose bigamije kumvikana na 23, ngo kuko uyu mutwe watangije intambara warabanje kubitegura kandi ufite intego ushaka kugeraho ariyo Balkanisation, bityo ko inzira y’ibiganiro itashoboka keretse bayisutseho umuriro w’amasasu.
Yagize ati:”Icyo tubona n’uko ibyo M23 yatangaje bihabanye cyane n’ibyo turimo kubona. Ntabwo M23 yapfa kurambika intwaro hasi binyuze mu biganiro, kuko yatangije iyi ntambara yaramaze kubitegura kandi ifite icyo igamije. Mwese murakizi ni ugucamo ibice igihugu cyacu( Balkanisation) babifashijwemo n’u Rwanda na Uganda.
Turasaba Perezida Tshisekedi ,gutegura intambara ikomeye yo kurasa M23 . niyo nzira yonyine yatuma irambika intwaro hasi igasubira iyo yaturutse mu rwego rwo kuburizamo uwo mugambi mubisha wa Balkanisation.”
Placide Nzilamba, yongeyeho ko umutwe wa M23 ufite amayeri n’abaterankunga benshi, bityo ko Ubutegetsi bwa DRC bukwiye guhumuka bukawurwanya bwivuye inyuma.
HATEGEKIMANA Claude
Rwandatribune.com
Wowe Nzilamba(FDLR wihinduye izina kd witwa Nzaramba) aho kujwenjwegeta ukangura abandi ngo bayisikeho(m23) amasasu wowe wabanje ukajyayo? Nonese waruziko bapfuye guhaguruka gusa sans but ou objectif? Ariko ubwo m23 ntimubona ko irwanira uburenganzira bwabo n’imiryango yabo? Ariko ko Congo murimo intiti nyinshi ni kuki mudashyira mugaciro mugasubira no mumateka? None nawe uti mubarase,ese bo muzabarasa bifumbase?ikimbabaza n’abaturage,iyaba arimwe mwajyagayo bakabakosore abaturage ntibabigwemo.