M23 yongeye kugabwaho ibitero bikomeye n’ihuriro ry’imitwe y’inyeshyamba rifatanya n’ingabo za Leta ya Congo, FARDC, mu gace ka Mabere y’inkumi na Gikombe bakirizwa umuriro birangira abahasigaye ari bazima n’abapfuye benda kungana.
Iyi mirwano itari yoroshye rwose yasize FARDC itangaje ko yabuze abasirikare barenga 10 cyakora haza kuboneka imirambo 6, imbunda 6,ibyombo bikoreshwa n’abasirikare byo mu bwoko bwa Motorora 4 hamwe na Jomeri.
Abasirikare ba Hiboux bari kumwe n’izi nyeshyamba zo muri Wazalendo babonye bikomeye abatarafatwa bakizwa n’amaguru ndetse baranatabaza biza kurangira batabawe n’ibifaru byatumye babona uko bahunga.
Iyi mirwano yaberaga muri Parike ya Virunga ibarizwa muri Teretwari ya Nyiragongo, aha ni muri Kivu y’amajyaruguru.
Uwineza Adeline
Rwanda Tribune.com
