Imirwano ikomeye yongeye kubura, hagati y’umutwe w’inyeshyamba wa M23 n’ingabo za Leta ya Congo (FARDC) n’abo bafatanije, yarangiye M23 yigaruriye agace ka Rugarama n’inkengero zayo.
Iyi mirwano yabereye mu gace ka Rugarama, gaherereye muri Teritwari ya Rutshuru, mu Ntara ya Kivu y’Amajyarugu kuri uyu wa 27 Ugushyingo.
Ni imirwano Inyeshyamba za M23 zari zihanganyemo na FARDC ifatanyije n’ihuriro ry’inyeshyamba zo muri DRC, harimo FDLR, Wagner, Imbonerakure z’u Burundi ndetse na Wazalendo.
Muri iyo mirwano humvikanyemo imbunda nini n’izindi ntoya, ikaba yarangiye umutwe w’inyeshyamba wa M23 wigaruriye agace ka Rugarama ndetse n’inkengero zako.
Ibi bibaye mu gihe uyu Umutwe w’inyeshyamba wa M23 ukomeje kwiyegereza abaturage baturiye ibice bya Teritware ya Masisi, Rutshuru na Nyiragongo, aho bakomeje kubasezeranya gukora ibikorwa bizana amajyambere, ko nawo witeguye kubashakira umutekano.
Adeline Uwineza
Rwandatribune.Com
