Mu rukerera rwo kuri uyu wa19 Kamena inyeshyamba za M23 zongeye gukozanyaho na Wazalendo. Ni imirwano yabereye mu bice bya Mubambiro. Aka gace ka Mubambiro ni agace kari mu nkengero z’umujyi wa Sake.
M23 ihanganye n’itsinda ry’imitwe y’inyeshamba yishyize hamwe ifatanije n’Abacanshuro bo mu itsinda rya Wagner rikomoka mu Burusiya.
Iri huriro rya Wazalendo rigizwe n’imutwe y’inyeshyamba nka CMC, Nyatura , FDLR n’abandi Iyo mitwe irwanya M23 ishyigikiwe na Guverinema ya Congo
Imboni ya Rwandatribine.com iri muri ako gace yavuze ko imirwano irimbaniije, avuga ko hari kumvikana urusaku rw’amasasu y’imbunda zikomeye.
Amakuru ataremezwa neza avuga ko ingabo za Republika ya Demokarasi ya Congo, zaba zamaze kwinjira muri iyo mirwano. Gusa umuvugizi w’igisirikare cya FARDC mu mujyi wa Goma, aheruka gutangaza ko barimo gukurikirana intambara ikomeje kubica bigacika hagati ya M23 n’ihuriro ry’imitwe ishyigikiwe na Guverinema ya Congo.
Aho uwo muvugizi w’igisirikare cya FARDC, Lt Col Ndjiko Kaiko yemereye itangaza makuru ko batazakomeza kurebera, ko ahubwo nabo bagiye kurwanya inyeshamba zo mu mutwe wa M23, bivuye inyuma.
Kubera iyo mirwano, Abaturage bo mu bice bya Masisi bongeye guhunga ku bwinshi muri iki gitondo, kuva saa 04h 06 kubera ko aka karere kongeye kubamo intambara ikaze hagati y’inyeshamba za M23 n’imitwe yitwaje intwaro ishyigikiwe na leta ya Congo.
Kuri uyu wa 18 Kamena2023, muri gurupoma ya Tongo, teritware ya Rutshuru, mu ntara ya Kivu y’Amajyaruguru. Aka gace abaturage benshi, amagana n’amagana bagahungiyemo bava mu bice birimo kuberamo intambara byo muri Bushuli n’ibindi bice biri mu nkengero zaho. Ni nyuma yuko intambara yongeye gusubukura kuruyu wa kane no kuwa gatandatu w’iki cyumweru dusoje.
Kuri uyu wa 17 Kamena 2023, imirwano ikaze yahuje umutwe wa M23 n’iyimitwe ishyigikiwe na Guverinema ya Congo, iyo mirwano yabahurije ku musozi wa Bishigiro, mu gace ka Bushuli, aha hakaba ari muri teritware ya Masisi. Iyi mirwano byaje kurangira M23 yigaruriye aka gace kose.
Nk’uko bamwe mu baturage babibwiye isoko y’amakuru ya Rwanda.com, bahamije ko abaturage bo muri ibyo bice bahunze ku bwinshi kugeza ku mugoroba wo kuriki cyumweru aho bavuga ko muriyo mirwano ngo bumvaga Ibisasu biturika cyane by’intwaro z’imizinga ndetse n’imbunda nto.
