Imirwano ikomeye ihanganishije umutwe w’ inyeshyamba za M23 n’ abarwanyi ba Wazalendo yaramukiye mu duce twa Mahoko, Lwama, Kivuye ho muri Teritwari ya Masisi ahabaye isibaniro ry’imirwano.
Isoko ya Rwandatribune iri muri Masisi ivuga ko umutwe wa M23 ndetse wamaze no kwigarurira uduce twa Cyitso na Shibu twagenzurwaga n’inyeshyamba za ACNDH/Abazungu iyobowe na Gen.Nyamuganya Jean Marie.
Ikinyamakuru Tazama gikorera kuri murandasi muri Repuburika ya Demokarasi ya Congo kivuga ko imirwano ikomeye yumvikanye mo imbunda nini n’into yabereye mu bice bya Kivuye na Bweru ho muri Teritwari ya Masisi.
Iki kinyamakuru Tazama kandi kivuga ko aka gace ka Mahoko gaherereye hagati y’ utugari twa Nyange na Rwama ho muri Teritwari ya Masisi natwo kuri ubu twamaze kugera mu maboko ya M23.
Mu kiganiro yagiranye n’umunyamakuru wacu uri Goma Lt.Col umuvugizi wa w’igisorikare cya Leta ya Congo FARDC Ndjike Kaiko yavuze ko uruhande rwa M23 ari rwo rwarenze ku masezerano y’agahenge kasabwe na leta zunze ubumwe bwa Amerika.
Hagati Aho ariko uruhande rw’ inyeshyamba za M23 rwo ntacyo ruravuga kuri iyi mirwano ukomeje kubera muri Masisi aho abaturage bakomeje guhura n’ibibazo by’ intambara.
Mwizerwa Ally
Rwandatribune.com
